Máis de 200 persoas demandan diante do centro de saúde de Antas de Ulla “unha asistencia sanitaria digna e de calidade”

Máis de 200 persoas concentráronse hoxe diante do Centro de Saúde de Antas de Ulla para esixir “unha asistencia sanitaria digna e de calidade”.

Os veciños e veciñas acudiron á chamada do concello e da súa alcaldesa, Pilar García Porto, que o mes pasado demandoulle por carta ao conselleiro de Sanidade, Antonio Gómez Caamaño, “que cubra a praza do médico xubilado no centro de saúde”, ademais de pedirlle información “sobre a construción do novo centro de saúde comprometido pola Xunta de Galicia en campaña electoral”.

A carta enviouse o pasado 21 de xuño e, ante a ausencia de resposta, a alcaldesa convocou a todos os veciños e veciñas do Concello de Antas de Ulla á concentración.

“Os concellos do rural temos os mesmos dereitos que os demais e necesitamos uns servizos públicos de calidade para frear a despoboación”, asegurou hoxe a alcaldesa. “Coa saúde non se pode xogar”, afirmou.

A alcaldesa pídelle ao conselleiro, Antonio Gómez Caamaño, “a súa urxente intervención nun asunto de vital importancia, xa que esta ausencia dun profesional sanitario está a xerar serias dificultades para prestar a atención médica necesaria, especialmente aos nosos maiores, que requiren unha atención constante e especializada”.

“Actualmente a doutora que atende o centro de atención primaria traballa pola mañá e varios días á semana reforza con traballo tamén en xornada de tarde”, engade Pilar García Porto.

O feito de contar cunha única doutora “xa ocasionou que a nosa veciñanza quedara sen atención médica no seu centro, e esta situación verase agravada nos períodos de vacacións ou de ausencia por calquera outro motivo da doutora”.

Ampliación do prazo para o proceso selectivo de 2 socorristas (temporada verán 2024)

Ampliación do prazo para o proceso selectivo de 2 socorristas (temporada verán 2024)
 
O Concello de Antas de Ulla informa da ampliación do prazo ata o día 5 de xullo para o procedemento selectivo de 2 socorristas (temporada verán 2024) no expediente núm. 249/2024 relativo ao proceso de selección, polos seguintes motivos:
 
Dar maior publicidade ao proceso selectivo e facilitar que mais persoas se poidan presentar a dito procedemento selectivo co obxecto de cubrir as necesidades de socorristas para a temporada de verán 2024.
 
Contrato ata o 15 de setembro (inclúe vacacións) e salario de 2.000 euros brutos/mes.
 
Máis información no taboleiro de anuncios da web do concello:
https://concellodeantas.sedelectronica.gal/board

O Concello de Antas de Ulla publica as convocatorias de tres procesos de selección de persoal

O Concello de Antas de Ulla publicou hoxe na súa sede electrónica as convocatorias de tres procesos de selección de persoal.

As convocatorias son para catro prazas de operarios/as de servizos múltiples, un traballador/a social e un educador/a social.

Podedes consultar toda a información sobre a convocatoria en: https://concellodeantas.sedelectronica.gal/board

Grazas polo voso interese!

Campamentos de verán no Concello de Antas de Ulla

Voltan os campamentos durante a tempada do verán no Concello de Antas de Ulla, cunha proposta de actividades que abrangue dende os 4 ós 16 anos.

Gratuítos e distribuídos por idades, cunha programación diferenciada e actividades orientadas a cada grupo de idade.

“Tratamos de dar un servizo ás familias, especialmente pensando en pais e nais que traballan, á vez que tratamos de fortalecer vínculos e un arraigo co territorio entre os nen@s”, explica a alcaldesa, Pilar García Porto.

O prazo de inscricións comeza mañá, luns 3 de xuño. Será de xeito presencial nas oficinas do concello ou descargando o formulario que se atopa na páxina xeb do concello. Tamén se poderá facilitar por correo electrónico, solicitándoo previamente no número de teléfono 982 37 92 51.

Vémonos no verán!

SOLICITUDE INSCRICIÓN CAMPA PEQUES.docx – SOLICITUDE INSCRICIÓN CAMPA PEQUES.docx (1)-1

O Concello de Antas de Ulla adquire o cuartel da Garda Civil e dótao para uso social e servizos municipais

O Concello de Antas de Ulla xa rematou a primeira fase da mellora da antiga Casa Cuartel da Garda Civil, tras pechar a súa compra co Ministerio do Interior.

O precio da adquisición foi de 78.000 euros, que o concello poderá pagar en dez anos. “Gañamos un novo inmoble para uso municipal e social e dámoslle vida a un edificio de referencia no concello”, sostén a alcaldesa de Antas de Ulla, Pilar García Porto.

En concreto, a antiga casa cuartel terá locais para as asociacións culturais do concello e unha zona para servizos municipais, con espazos para a organización de actividades, cursos e charlas.

O concello xa acondicionou unha das alas do inmoble, onde está a día de hoxe a biblioteca, despois de levar a cabo as reformas eléctricas necesarias e a instalación de calefacción nas zonas de usos comúns.

O inmoble ten xa tamén Internet e as melloras continuarán nos próximos meses, incluíndo o acondicionamento do xardín e a parcela que rodea a edificación.

“Esta reforma coincide coa renovación integral da casa da cultura, dúas instalacións que revitalizarán a vida social, cultural e asociativa de Antas de Ulla nos próximos anos”, engade García Porto.

O Concello de Antas de Ulla ofrece asistencia ós maiores de 65 anos para presentar a declaración da renda

O Concello de Antas de Ulla, en colaboración coa Axencia Tribuitaria, porá en marcha un servicio gratuíto de asistencia para que os veciños e veciñas maiores de 65 anos reciban asistencia para presentar a súa declaración da renda dende as oficinas municipais.

O Concello contará cun posto de atención ó cidadán no que se ofrecerá a asistencia da persoal municipal e da Axencia Tributaria para recibir asesoramento e realiazr a tramitación.

A partir do 29 de abril poderán solicitar unha cita para recibir a axuda dun funcionario da Axencia Tributaria para confeccionar a declaración entre os días 7 de maio e 1 de xullo.

A cita pódese solicitar nos teléfonos 915 53 00 71 e 901 22 33 44 de luns a venres de 09:00 a 19:00 horas, no propio Concello de Antas de Ulla no teléfono 982 37 92 51 ou por Internet a través do enlace http://sede.agenciatributaria.gob.es.

“Esta acción enmárcase no noso compromiso de dar un mellor servizo ós seus veciños, especialmente tendo en conta o envellecemento da poboación e a falta de acceso ás TIC”, explica a alcaldesa de Antas de Ulla, Pilar García Porto.

O Concello de Antas de Ulla pon en marcha unha campaña de trampeo de velutinas para evitar a formación de niños

O Concello de Antas de Ulla puxo en marcha con fondos propios unha campaña de trampeo de vespas velutinas.

“En concreto, instalamos 100 trampas xeolocalizadas por todo o concello para a captura de vespas raíñas, evitando desta forma a formación de niños”, explica a alcaldesa de Antas de Ulla, Pilar García Porto.

O Concello de Antas de Ulla coorganizou unha reunión informativa sobre a campaña da velutina coa Asociación Galega de Apicultura, e agora pon en marcha esta campaña de trampeo.

A esta campaña municipal uniranse as 70 trampas que instalará o Seaga para o control das velutinas en Antas de Ulla.

“Puxemos en marcha esta campaña preventiva desde o concello porque consideramos que é importante controlar as velutinas e axudar aos veciños neste tema”, engade García Porto, “preservando a súa saúde e protexendo a produción de mel”.

O Concello de Antas de Ulla publica o listado definitivo de admitido/as no proceso de selección de persoal interino para o posto de Secretaría-Intervención

O Concello de Antas de Ulla publica o listado definitivo de admitido/as no proceso de selección de persoal interino para o posto de Secretaría-Intervención e as datas do proceso de selección.

A realización dos exercicios da fase de oposición terá lugar o día 25 de abril na Casa do Concello de Antas de Ulla, a partir das 09:30 horas, debendo presentarse todos o/as aspirantes á hora referida, provisto/as da preceptiva
documentación identificativa.

Máis información: https://concellodeantas.sedelectronica.gal/board