Planta de Xeración Fotovoltaica para autoconsumo en dependencias municipais

Antecedentes:

Ao Concello de Antas de Ulla concedéuselle axuda económica, ao abeiro da Resolución do 7 de marzo de 2024 pola que se regulan as bases que rexerán o procedemento de concesión de axudas para a realización de proxectos de enerxía fotovoltaica, para o ano 2024, cofinanciadas polo Fondo Europeo de Desenvolvemento Rexional no marco do Programa Galicia FEDER 2021-2027 (DOG núm. 56 do 19/03/2024).

Proxecto realizado

Instalación fotovoltaica fixa, sobre cuberta, coplanar, para autoconsumo colectivo con excedentes acollidos a compensación, sen acumulación, de 15,00 kW de potencia nominal de inversión e 20 kW de potencia pico de paneis.

O autoconsumo realizarase nas seguintes instalacións:

Casa da Cultura
Casa do Concello
CEIP Plurilingüe Antas de Ulla

Consideracións Legais:

A axuda está cofinanciada polo Fondo Europeo de Desenvolvemento Rexional, no marco do Programa de Galicia FEDER 2021-2027, dentro da seguinte clasificación: Obxectivo Político 2 (Unha Europa máis verde, baixa en carbono, en transición cara a unha economía con cero emisións netas de carbono e resiliente, promovendo unha transición enerxética limpa e equitativa, o investimento verde e azul, a economía circular, a mitigación e adaptación ao cambio climático, a prevención e xestión de riscos e a mobilidade urbana sustentable), Prioridade de Investimento P2A (Transición verde), Obxectivo Específico RSO2.2 (Fomento das enerxías renovables de conformidade coa Directiva (UE) 2018/2021, en particular os criterios de sustentabilidade que se detallan nela), Liña de Actuación 2.2.01 (Incentivos as enerxías renovables térmicas e eléctricas), Operación “Subvencións para proxectos de enerxía fotovoltaica, para el año 2024”, ámbito de intervención: 048- enerxía renovable solar, estando sometida ao disposto no Regulamento (UE) nº 2021/1060 do Parlamento Europeo e do Consello de 24 de xuño de 2021 polo que se establecen as disposicións comúns relativas ao Fondo Europeo de Desenvolvemento Rexional, ao Fondo Social Europeo Plus, ao Fondo de Cohesión, ao Fondo de Transición Xusta e ao Fondo Europeo Marítimo, de Pesca e de Acuicultura, así como as normas financeiras para os ditos Fondos e para o Fondo de Asilo, Migración e Integración, o Fondo de Seguridade Interior e o Instrumento de Apoio Financeiro á Xestión de Fronteiras e a Política de Visados (RDC), no Regulamento (UE) nº 2021/1058, do Parlamento Europeo e do Consello, do 24 de xuño de 2021, relativo ó Fondo Europeo de Desenvolvemento Rexional e ó Fondo de Cohesión (DOUEL231, de 30 de xuño de 2021), e o resto de normativa comunitaria, estatal e autonómica de desenvolvemento e execución e a Orde HFP/1414/2023, de 27 de decembro, pola que se aproban as normas sobre os gastos subvencionables dos programas financiados polo Fondo Europeo de Desenvolvemento Rexional e do Fondo de Transición Xusta para o período 2021-2027.