O Concello informa de que a presente axuda está cofinanciada nun 60% pola Unión Europea, no marco do Programa FSE+ Galicia 2021–2027, dentro do Obxectivo Político 4: “Unha Europa máis social e inclusiva, por medio da aplicación do Piar Europeo de Dereitos Sociais”.
Esta actuación inscríbese na Prioridade 5: Emprego xuvenil, e responde ao Obxectivo específico ES04.1, orientado a:
“Mellorar o acceso ao emprego e a medidas de activación de todas as persoas demandantes de emprego, e en particular das persoas mozas, especialmente a través da aplicación da Garantía Xuvenil; das persoas desempregadas de longa duración e dos grupos desfavorecidos no mercado laboral; así como das persoas inactivas, mediante a promoción do emprego por conta propia e da economía social.”
A axuda corresponde á Medida 5.A.02: “Facilitar a mellora da empregabilidade das persoas mozas desempregadas”, contribuíndo a crear oportunidades laborais, reforzar a formación e favorecer a inserción profesional da mocidade.
Para facilitar a difusión desta iniciativa, o Concello pon tamén a disposición da cidadanía o cartel informativo oficial asociado ao programa, que pode consultarse no documento adxunto
