O domingo 6 de maio, celebrouse  en Antas de Ulla a XIXª edición da Feira do Queixo da D.O. Arzúa-Ulloa, na que se fixo público a incorporación a esta Denominación das Terras do Deza.
O completo programa de actividades incluía  unha Carreira Internacional de cabalos de Andadura, así como a exposición Artesanal que tivo lugar na Praza Nova, de recente inauguración.

O Queixo da Denominación de Orixe Arzúa-Ulloa celebrou a súa festa de exaltación este ano na nosa localidade, na que foi a XIXª Edición.

A Feira ven organizándose de xeito rotatorio entre os tres Concellos que configuran a Comarca da Ulloa (Palas de Rei, Monterroso e Antas de Ulla).
A data elexida para o evento nesta ocasión foi o domingo 6 de maio.
O Concello de Antas de Ulla, en colaboración co C.R.D.O. Arzúa Ulloa  ofertou un completo Programa para  esta importante cita gastronómica e festiva.
24 Concellos das provincias de A Coruña e Lugo fabrican este excelente producto que goza de recoñecido prestixo no eido gastronómico non so galego, se non tamén máis aló do noso país.

E precisamente durante os actos de presentación e apertura da Feira, o Alcalde de Antas de Ulla, deu a coñecer a recente incorporación á Denominación de Orixe Arzúa Ulloa, de explotacións pertencentes ás Terras do Deza.

CARTEL ANUNCIADOR 

 O cartel anunciador desta edición da Feira do Queixo da Ulloa, é unha composición baseada en traballos de fotografía e pintura realizados por nenos e nenas do Concello.