O Concello de Antas de Ulla continua con paso firme as xestións para a posta en marcha do Parque Empresarial da localidade, que se ubicará a carón da Carretera de Lugo no lugar coñecido como "Rego do Santo".
En terreos pertencentes a tres parroquias (Antas, San Xorxe e Dorra), xa se fixeron efectivas as compras dos primeiros 20.000 metros de terreo e proximamente pecharanse as novas compras ata acadar os 87.300 metros inicialmente previstos (dos que perto de 45.000 adicaranse á venda de parcelas).

O orzamento previsto, incluidos os gastos de xestión, traballos técnicos e maila propia urbanización supera a cifra de 1.100.000 euros.

As xestións municipais neste senso ven así o primeiro froito do que era un dos servizos máis demandados polo empresariado do Concello e de outras vilas de Galicia, que desexan establecer na localidade a sua actividade empresarial.