Localización
ubicacion

Servizos ó cidadán

Asociacións

imagen

Clube de Lectores Rosalía da Biblioteca - Grupo de Teatro



foto

O Clube de Lectores Rosalía, é a plataforma dende a que se artella e da cobertura a un dos colectivos de Teatro mais activos e fructíferos que tivo Antas de Ulla.
Baixo a coordinación e Presidencia de Teresa Batán, e contando coa Dirección artística de Jouse García; o Grupo de Teatro da Biblioteca de Antas leva percorrido unha boa parte de Galicia amosando o seu arte escénico, representando obras como "Cabaret", "O Quixote", "Vodas de Sangue", "Indíxenas na Cidade", "Roxie" e un longo etcétera.
O Clube tamén organiza viaxes culturais, case sempre vencelladas ó mundo da interpretáción e das artes escénicas, como a asistencia ó Festival Internacional de Teatro Grecolatino de Mérida ou tamén ó Festival Internacional de Teatro Clásico de Almagro.
No ano 2006 o Colectivo estivo de noraboa, xa que ós importantes recoñecementos públicos que xa acadou no pasado, obtivo o 2º Premio dentro do Programa GZCREA, que organizou a Vicepresidencia da Igualdada e do Benestar da Xunta de Galicia.
Este relevante galardón obtívose coa representación da obra "A Casa de Bernarda Alba", no 70º Aniversario do pasamento do seu autor, Federico García Lorca.

Anualmente e nos últimos días de cada mes de xuño, vén organizando un Campamento de Teatro, actividade na que participan Grupos de teatrais de diversos puntos da xeografía do noso país e, na edición de 2007 por vez primeira, con un de fora de Galicia. Nestas xornadas desenvólvese unha importante labor cultural vencellada ó mundo da escea, facendo da Casa da Cultura de Antas de Ulla un foco de actividade cultural moi intensa.

Medio centenar de persoas integran actualmente o Colectivo

 

Contacto:

Teléfono:

e-mail: grupo@teatroantasdeulla.es

 

http://www.teatroantasdeulla.es/